rekenaar
die rekenaar
kan met die mips
van sy binêre brein
’n mens se klein vermoë
met nulle en met ene
geheel en al eklips
maar:
hoef nie die lewe te begryp
en is ontdaan van wroeg en wik
om oor sy toekoms te beskik
en sal verlange, leed en pyn
in verse nooit beskryf
nóg ander menslike bedryf
wat spruit uit bloed en brein
in sy meganistiese bestaan
ooit in kan lyf
maandag 17 april 1995
paasnaweek
|