vuurklip

Afrikaans
   Peter Blum
   Boerneef
   Carol Clark
   TT Cloete
   Clinton V. du Plessis
   Louis Esterhuizen
   Elisabeth Eybers
   Ingrid Jonker
   AD Keet
   Olga Kirsch
   DJ Opperman
   SJ Pretorius
   Veralda Schmidt
   Adam Small

      
Carol Clark
uit Tjienkerientjiee se oog is swart
Tafelberg-Uitgewers Bpk 1994

Lamentasie van die huisvroue

Ons is gatvol
vir die drek
van elke dag:

Soggens as ons tuin natlei
tel ons landmyne op
van kinders en bure
se troeteldiere.

Teetyd was ons
modder sweet bloed en ghries
uit die klere
van mans en kinders
en bybieskyt
uit doeke.

Teen middagete
pik ons oorskiet op
uit die borde van diegene
wat weier om hul monde te sit
aan spinasie pampoen viskoekies -
druk dit in ons kele af
want ons mag nie mors nie.

Snags
ontvang ons die semen
van 'n reeds oorbevolkte wêreld
en as die mans eers snork
gaan ons diskreet
douche in die donker
   
   

21-10-2021 06:52:47
page 149/ ip: 49
function if_ShowPage_00