Proteste Deel 2
nalatenskap
in talle donker
hole en gate
krioel en konkel
bleek burokrate
en na hulle vernoem ons
lughawens en strate
hulle nalatenskap
is kortstondig en nóú
maar wie sal hulle name
in die toekoms onthou?
sondagoggend 9 augustus 1992
(Die Rebellie van Lafras Verwey deur Chris Barnard)
tweespalt
die son dring ons lywe in
op noordhoekstrand
inkomende water oorwin
meer en meer sand
ek word besit
deur hierdie land
maar my wortels
is in anderland
sondag 14 februarie 1993
Red Herring
vergeet
soetwyn o soetwyn
maak my hartjie skoon en rein
soetwyn soetwyn
nog 'n dop verdoof die pyn
hanepoot hanepoot
blaas my met jou bokhaelskoot
muskadel muskadel
die dood bevry my van die hel
hanepoot o hanepoot
die lewe is net vir die dood
11 januarie 1990
sielkundige
kom dokter
kom kyk na my
kyk lank kyk diep
ontleed en sny
met jou skalpel
vlek die lae van my gees
wat skuil daar onder
tussen gargoyles
an ander spoke
van my hel.
sien jy vir my ...
of is dit jy?
23 februarie 1990
tv waarheid
die tv venster fokus
op 'n wereld
waar helde goed,
heldinne mooi,
en boewe gebreek is
maar in hierdie wereld
word heldinne verkrag
slaan helde op vlug
en is die boewe baas
29 april 1990
insulasie
die yuppie settle ongeërg in
op bloubergstrand
handdoek uitgesprei
teen die see se sand
raybans olie en pet
teen die son se brand
en die water
met die son se skerp glans
is tussen hom en die tronk
op robbeneiland
valentyn
sondag 14 februarie 1993
|