vuurklip

Politiek
   Deel 1f
   Deel 2f

      

Politiek Deel 1


die anc grootbaas mbeki
hou glad nie van boere wat treki
    ons moet net hard werk
    die staatskas versterk
en verder net hou onse beki

2 junie 1999



die woordryke ou mangosuthu
is lank reeds gespeen van sy putu
    maar praat sal hy praat
    van vroegdag tot laat
'n woordvloed selfs waardig van tutu

7 mei 1999

 



ou generaal konstand viljoen
weet glad nie meer wat om te doen
    want al die gepraat
    het hom niks gebaat:
en sy Volkstaat kan hy koebaai soen!

18 mei 1999



'n haantjie genaamd tony leon
se liggie skyn helder soos neon
    hy raas en baklei
    om sy sin te kry
maar wen sal hy nooit in 'n eon

7 mei 1999



die jonge marthinus van schalkwyk
wil graag in klippe 'n bars kyk
    maar jy sal lank soek
    in daardie kortbroek
na iets wat nog steeds soos 'n ... lyk

(vul maar 'n woord van jou keuse hier in)

7 mei 1999



'n beswaarde kalant van Orania
skop teen die naam van Azania
    hy sê: met daai naam
    stem ek glad nie saam
nog beter sal wees: Ossewania

24 april 1997


 

   
   

22-09-2021 07:04:21
page 33/ ip: 50
function if_ShowPage_00