vuurklip Nostalgie    uitkyk    sederberg sleeppad    Stiltes    skemer    ewige meeue    spore    tafelberg I    tafelberg II    Geologie    Gister

Gister Daar is 'n verre land, 'n Land van lief en leed, Waarvan ons veels te veel onthou, En bitter min vergeet. Daar is 'n verre land, In ruimte en in tyd, En soveel wat ons daarin doen, Lei net tot selfverwyt. Daar was 'n verre land, 'n Land met net ons twee. Na elke uur wat ons daar was, Is daar nog steeds heimwee. Daar is 'n verre land, 'n Land van spieëls en glas, Die stempels in ons paspoort wys, Dat ons eens burgers was. Na daardie verre land, Bestaan geen roete meer, Paspoort en visum het verval, En daar is geen terugkeer. 7 januarie 2008