Politiek Deel 2
'n man van 'n sekere faksie
se kleur is te lig, net 'n fraksie
waar hy ook klop
om te soek vir 'n jop
tjop hy af oor regstellende aksie!
21 februarie 1997
'n broertjie dood, het die boere-nasie
aan 'n sekere wiskundige operasie
dit maak hulle moerig
en o! so oproerig:
differensiasie ja! maar NOOIT integrasie!
28 februarie 1996
nou vra ons aan minister zuma
gee vir gesondheid meer woema
ons dokters gaan weg
maar kubane maak reg
dus ek kry nou vir my 'n sangoema!
'n jong bariton van orania
val van 'n hoë hyskrania
hy beland toe wydsbeen
op 'n muur van baksteen
en nou is die man 'n soprania
die leliewit klomp in orania
met hulle paranoia en hulle mania
probeer vreeslik hard
om te leef sonder swart
al woon hulle hier in azania
die vrome kerkman Alan Boesak
op wie al die aasvoëls nou toesak
word gevra oor die geld
en toe sê onse held:
"dis veilig hier boe in my boesak"
die boekhouer van alan boesak
sê nou dat die reg op hom toesak
"dit was nie net ek nie
wat al die geld trek nie
die skuld lê ook by baas boesak!"
boere van ons skone land
kom ons vat mekaar se hand
hef aan, veg en wees gereed
stry teen al die magte wreed
staan op vir die volk en vaderland (!!)
|